الآخر يا رجالة

اركب يا برنس
لم الأجرة يا نجم
عباسية يا اختي
ايوة
هي الأجرة كام
جنية وربع يا حاجة
معييش الجنية وربع ، انا متضايقة قوي ، انا نازلة الدمرداش
تدفعيلي يا بتي
ايوة يا أمي
عباسية عباسية غممممممممممممممرة
طالع الكبري والأجرة جنيه ونصف
ليه ما هي جنيه وربع وبنركب على طول
يعني ايه طالع الكبري هو انت هتعمل خط على مزاجك واجرة على مزاجك ؟
ايوة هي جنية ونصف وهطلع الكبري
مش هندفع غير جنية وربع
في شرع مين ده ؟
هو كدة ، زيك زي كل العربيات
يلتفت السائق وتظهر عليه علامات الخوف
يعود لينظر امامه ولا يعود يتكلم
تنظر السمراء في الاتجاه الذي اخاف السائق
ان الجالس من اصحاب متلازمة داون
حمدالله على السلامة ، الآخر يا رجالة
الحي السابع
نعم
يسير السائق في الاتجاه حتي يوقفه أحد الضباط
هجوم من المنتظرين ، سلام
ايوة
تنظر له السمراء وتقول كيف الم تقل لي السابع
يشير لها السائق بوجهه لتصمت
يتقدم شخص برداء مدني
انزلوا ، العربية بتعاعتنا
يصرخ الركاب ، بقي لنا ثلاث ساعات مستنيين عربية رايحة السلام ، وانتوا جايين تاخذوها
يرمق ذلك الشخص هو والضابط السائق بنظرة
معلش ياجماعة العربية حكومة
مقلنا كدة من الأول
سادس سابع سادس سابع
بس يابني ربنا يكفينا شرهم ، لو وقفونا هنبقي معاهم طول الليل ، ويبقي اليوم راح
يدندن المنادي ، البانجو مش بتاعي والنبي بريء يابية ، البانجو مش بتاعي والنبي بريء يابية
ترهف السمراء السمع وتقول في نفسها أن الأغنية الشعبية هي انعكاسات لوجدان الشعب
تسأل السمراء احد الأصدقاء ماذا تعني العربية حكومة ؟
ان الشرطة تقوم بايقاف أي سيارة أجرة وتقوم بعمل حملات بها ، ولا يقومون بدفع حتي الوقود ، ويتركونه عندما تنتهي الحمله ، وغالبا يكون السائقين ليسوا اصحاب السيارات وانما يعملون عليها ، وعليه فسيقوم هذا السائق بتوريد ايراد لم يعمل به .
اخر الشارع أخر الشارع اخر الشارع
دة دوري
انا هحمل ووريني هتعمل ايه
يخرج سلاح ابيض ، هوريك
الركاب التزموا الصمت
يتقدم العسكري
يختفي السلاح وتتعالى اصواتهم بالضحك
اخر الشارع أخر الشارع
حمدالله على السلام ، الآخر يا رجالة