إعادة لأغنية بساط الريح
للراحل فريد الأطرش
الممثل الخليجي يقول
المصريين لم يتركوا لنا أفكاراً سينمائية لنقوم بأخراجها
ميادة الحناوي ترفض أن يقدم حفلها فنانون مصريون
الممثلة المصرية ومقدمة الحفل في ذات الوقت
( اسعاد يونس)
تخرج على المسرح
مصر هي اللي عملتك
المصريين ميشرفهمش يقدموك
حفل منقول على الهواء في تليفزيون البلد الخليجي
تذكر السمراء تلك الأحداث التي مر عليها أكثر من عشرون عاماً في البلد الخليجي
15 comments:
و لو أن الموضوع ما يهمنيش أطلاقاً لكن عندي فضول ... هي ميادة ليه رفضت أن فنان مصري يقدمها ؟؟
دول ناس كل ثقافتهمحلب المعيز
بينهموبين الثقافة الحقيقية و الفن الجميل في كل المجالات سينما موسيقى غناء
مسافاااااااااااااااااااااااااااات
يمكن مش قصدها :]:]:]
ميادة الحناوي ترفض أن يقدم حفلها فنانون مصريون.... هية حرة ..انا اللى مش فاهمة يعنى اية مصر تعمل فنان ..يعنى واحدة زى ميادة مثلا لو غنت تحت السلم برضة فنانة وفنانة كبيرة لها وزنها ..اسمعى الحب اللى كان منها ..وبعدين مصر اذا مابيشرفهاش تقدم ميادة يشرفها تقدم مين روبى مثلا ولا اسمها اية دى بتاعة نطلع ع الروف ..حاجة غريبة جدا والهى اى فنان حقيقى يقولوا مصر اللى عملتة .اهلا وسهلا مصر مقولناش حاجة بس يعنى جنبنا وجعنا من الهجص دة ان مصر صانعة الحضارات وام الدنيا والفنانين ..هو احنا برضة مش خواجات ما احنا برضة عرفين بلدنا كويس وقبلنها زى ماهيى كدة ام الاونطة ..امنا بقا هانعمل اية هانبعها يعنى ..يامصر مصرتينا ومصرنا مش فى ادينا ..مساء الفل ..تحيات
الأخ محمد الكومى اللى بيقول ان الناس دى ثقافتها بس حلب المعيز.....هى السينما والموسيقى والغناء هى دى بس الثقافه فى نظرك؟ اذا كان على كده ماشى هم سابونا نطلع بعرور والصغير ودينا وروبى وهم دلوقتى اصبحوا قبلة الشعراء والكتاب والأدباء. مثقفينهم الحقيقين دلوقتى اعلام فى العالم كله القصه القصيره والروايه والشعر. شوف مبيعات أعلى كتاب بينزل عندك شكلها ايه ومبيعات الكتب عندهم شكلها ايه؟ ومش بس كده الأختراعات العلميه الجديده بدأت تظهر عندهم وشبابهم مهتم جدا بالأفكار العلميه الجديده وتطبيقاتها. احنا بقى عملنا ايه؟ تعيلمنا أخباره ايه دلوقتى وبيخرج ناس شكلها ايه وتعليمهم بيخرج ناس بتقدر تعمل ايه؟ لو استمرينا على الأعتقاد ده وفضلنا نايمين ومستريحين ان الناس دى بتاعة معيز واحنا العقل والثقافه كلها صدقنى كلها كام سنه وحنبقى بتدوسنا الأقدام.
الموقف اللى حكت عليه السمراء كان من عشرين سنه. عاوز أعتقد انها كانت بتقارن بين حالنا من عشرين سنه وحالنا دلوقتى. أتمنى يكون هو ده الغرض من البوست يا سمراء لأن المشرحه مش ناقصه قتله.......تحياتى وشكرا
قلبك اسود اوى
صح يااااااا ابو دواد هو دة المشرحاااااا .معلش هيى دى مصر العزيزة بنت اااااااااااا عزيز
طب انا ليه قلبى اسود؟؟
بصراحة برافو اسعاد لو هي قالت كدة علشان الناس تعرف تتكلم باحترام
تحياتي
معلش انا غير منتظم فى متابعة مدونتك
لكن بحاول
===========
مش عارف لحد امته هايفضل العرب يكرهوا بعض اكتر من كرههم لاسرائيل
==
تحياتى
هما بيجوا ياخدوا شهره عندنا وبعد كدا يتنكروا لنا
مع انى بعز ميادة الحقيقه
الموضوع سهل وبسيط .. لماذا لانعطى كل ذى حق حقه؟
عزيزتي
عدت مرة اخري عندي طلب صغير لو امكن انا اريد ان اشترك في عمل تطوعي بعد العمل لدي وقت فراغ و احب ان اشغله لو امكن المساعدة و قبلت ان تعرفيني علي بعض الاماكن التي يمكن التطوع فيها اكون شاكرة للغاية ايميلي موجود في البروفايل بتاعي
تحياتي و اسفة لو ازعجتك
مش عارف ايه الحكمه ان ما يقدمش حفلها ناس مصريين
جايز تكون زهقت من الكلام اللي ممكن تكون بتسمعه عن مصر و انها صناعه مصريه مثلا فكرهت ان الصفه دي تلتصق بيها
ممكن
جايز
لكن من عشرين سنه الكلام ده
اكيد الوضع اختلف الان
موقف يتكرر
فالحوار فى حد ذاته طبيعي ومنطقي , لا يمثل أى عجب أو إعجاب لانه كان وكائن وسيكون عندما تكون مصر محورا لحوارات متعددة من مصادر ايضا متعددة فى مجالات متعددة ابتداء من الصناهة النووية إلى ارتجالات الاخ سعد الصغير على مسارح الاحياء الشعبية زمان
موقف يتكرر بشكل طبيعي ومنطقي
حتى ذلك الديالوج الثلاثي طبيعي وعادي وحتى وجوده فى مدونة غير عادية طبيعي ومنطقي ، لأننا تعودنا أن الشىء الذى تتذكره السمراء ترك وقعا على حياتها استمر عشرون عاما
موقف يتكرر
ومن الطبيعي والمنطقي الا نحاول ربط الحدث بالاشخاص بالزمن ، ولكننا بالتأكيد ربطنا كل هذا بالسمراء
برضه موقف يتكرر
لكن الشى اللا طبيعي ولا منطقي انى كلما هممت بالرد عند السمراء أجد قد سبقنى 14 تعليق ، كل مرة 14 تعليق بالتمام والكمال
موقف يتكرر
تحياتي
Post a Comment