لتكون شريراً
ارفع الحاجب الأيسر
اخفض الحاجب الأيمن
إظهر تجاعيد بين الحاجبين
على هيئة الرقم 111
التواء بالشفتين
أرسم في عينيك نظرة دهاء
استخدم عبارات رنانة
هذه كانت ملامح رموز الشر في السينما المصرية
إذا كانت هذه هي ملامح الشرير
فأنه سيصبح ساذجاً جداً
ولكن في الحياة الحقيقية
الشرير خادع لأنه لامع وجذاب معسول الكلام
أما عن أصحاب الصور فهم أشرار نحبهم
19 comments:
بجد حقف قدام المرايه واجربها
للاسف الشديد بعد ما قريت البوست حبيت اضيف حاجه الشر فى الملامح او تعبيرات الوجه اسهل واهون مليون الف مره من الشر الداخلى بداخل الانسان الذى لايمكن توقعه
من ثمارهم تعرفونهم .من فضلة القلب يتغنى الشرير
ما اجمل هذا الشر الواضح و الصريح هذا النوع من الشر لاخوف منة لانك تكونين مستعدة للغدر منة. مابالك من الاشرار الاصدقاء او المعارف الغير واضحيين. و يكون الغدر قويا منهم لانك لا تريهيم
العزيزه سمراء
حمدلله علي سلامتك اولا
موضوعك الجديد شيق
اشرار و فعلا بنحبهم
و احب اضيف علي المجموعه دي العملاق عادل ادهم الصراحه كل دور من ادواره اللي جسد فيها الشر يتعمله مقاله مش تعليق بس
اكيد لازم تكون فيه مواصافات معينه للممثل اللي يقدر يجسد دور شر لأن الشرير في الحقيقه مابيتعرفش انه شرير لبراعته في تمثيل دور الطيبه لخداع الناس
في رأيي زمان كانوا اقدر في السينيما علي تمثيل ادوار الشر دلوقتي بقت كوميديا يمكن لغياب العمالقه اللي كانوا يقدروا يقوموا بالأدوار دي
تحياتي علي الموضوع المميز
فعلا أشر الناس هم اللى ما بيبانش عليهم
مخادعين جدا
يرسموا البراءة على وجوههم و هم لا يعرفون معناها
ربنا يرحما و يعطينا البصيرة أن نكتشفهم و لا نقع فى أفخاخهم
كل سنه وانتى طيبه يااجمل سمراء
الصور اللى عرضتها لاشرار السينيما
اللى كلنا بنحبهم فعلا ومقنعين فى شرهم
اما اشرار اليومين دول فى الحياه ربنا يكفينا شرهم
بنشوف ناس كلامها طيب ولكن حاقده وشريره ترتدى اقنعه متقنه جدا ربنا يكفيكى ويكفينا شرهم اما عن السينيمافلم يظهر
من يضاهى من عرضتى صورهم
عميق تحياتى
كلامك فعلا صحيح
دائما يجيبوا الشرير بالوصاف التي ذكرتيها و كانه ماركه مسجله
و سهل التعرف عليه الا ان الشرير الحقيقي من اهم علاماته انه تقريبا بلا اوصاف محدده حتي تقع في حبائله و ينتهي الامر بخسارتك امامه
ياريت الشر كان بالشكل كنا قدرنا نبتعد عن اصحابه
تحياتى
الشر موجود والخير موجود
وطول ما احنا عايشين نشوف من كل شكل ولون فى الحياة
بس تعرفى عزيزتى سمراء
ان الشرير فى ارض الواقع بيكون صححح خلاف نجم شياك السينما
بيكون لبس دور الطيب وصاحب الخير شكل ومظهر ولكن الجوهر شر ينتظر الطلوع فى الوقت المناسب
تحياتى
ياريت كل الشر اللى فى الدنيا يكون اخرة مع نهاية الفيلم
يعنى يكون مدتة ساعتين وبعدها يملى الخير بالمكان
تحياتى
دة كان معيار الشر زمان
فعلا
علشان كده كان اول ما الفيلم يبتدى تلاقى اننا عارفين مين الطيب ومين الشرير
يا ريت الشر فى الحياة يكون واضح كده زى الافلام
دلوقت تلاقى الشرير
بيضحك فى وشك
بيكلمك عن الحب
وعن الدين
وعن التضحية
وعلى وشة رسمة الملاك
ومسوح الرهبان
الشر الداخلى الرهيب
الذى ينبع من سواد القلب
ويختفى خلف ملامح خارجية ملائكيه
ويكون ضحاياة من الابرياء
عارفة
هتلاقى عندى فى المدونة
جمله بالنجليزى فى السايد بار معناها
ان الشيطان يأتى متخفيا فى ملامح الملائكة
صديقتى العزيزة
اطلت عليك
لكن بسبب براعتك فى اختيار المواضيع
وقد اضفت مدونتك لدى فى قائمة افضل المدونات
لانها كذلك بالفعل
كل الحب لك
نشنت يا فالح ... يا اه يا اه
عشان تبقي شرير
إخدع الكل وإوهمهم إنك شرير
تحياتي
احنا عندنا رموز الدراما واحده الحرامي لازم يكون شكله باين عليه الاجرام و الشرير بالمواصفات الي انتي قلتيها
مع ان الحياه مش كده خالص الشكل الخارجي مش دايما بيعكس الحقيقه
جديدة وجميلة
دعوت لك فى الكعبة بأن يصلح الله حالك .. ويرزقك من أوسع الأبواب .. ويحفظك من كل شرّ
اللهم تقبل دعاء
عجباني أوي فكرة البوست
:)
الغالبية بيبأوا زي مقولتي
لكن فيه برضوو بيبان عليهم
:\
ربنا يحفظك و يبعدك عنهم
إحترامي و حبي
:)
الخير والشر
لن تتركنا المتناقضات
ربما تجعلنا المتناقضات نشعر بوجود الافضل منها
أما التعبير عن الشر فى السينا بالنسبة لى قمة الضحك
لاني من اشد المعجبين بالافلام العربي القديمة والدليل
قول زكى رستم فى فيلم رصيف نمرة 5 على تجار الكوكايين ( الجماعة اللى شاغلين معاهم دول اشراف بصحيح ميزانهم مبيخسش خردلة ) واستيفان رستى لما قال لفاتن حمامة ( طبعا طبعا الكونياك مشروب البنت المهذبة ) والشاويش عطية فى الماجنين لما قال ( ميه ميه ميه ، دش دش دش ) وغيرهم من اباطرة الضحك اللى مش هيتعوضوا
أنا حاسس أنى طلعت برة الموضوع
بس ده والله الخير
لانه على الاقل بيسدنس وشط عالم واقعى من الاشرارا
تحياتي
نسيت شىء
بالنسبة لملامح الشر
فيه نظرية قديمة عن مواصفات المجرم والشرير وضعها عالم ايطالى اسمه على ما اتذكر (لامبروزو) وقال فيهاان الاجرام كسلوك ممكن أن يكون وراثى وحدد صفاته التشريحية - المعروفة لدينا - كالحوواجب المقلوبة تمانية ، وشكا الفك وديزاين الجمجمة وطول القفا وعرض المنكبين وغيره
بس النظرية دي فاشلة عشان الاجرام والشر سلوك مكتسب من ورلااثي
يعني المجرم من حقه يقول ( جعلوني مجرما ) وكمان الواحد مش بشكله ذى ماقالت فاتن حمامة ، فالثعلب شكله شيك بس خي\بيث بيسرق الفراخ والكتاكيت
تحياتي مرة أخرى
Post a Comment